رصـــــــــــــــيف الحـــــــــــــــب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

.....شهادتي (حول عبد المجيد صالح).......!!

اذهب الى الأسفل

.....شهادتي (حول عبد المجيد صالح).......!! Empty .....شهادتي (حول عبد المجيد صالح).......!!

مُساهمة  zoelyed suliman mustafa الخميس مايو 03, 2012 5:37 am

Tragie Mustafa
.....اولا انا مشغوله ومسافره حاليا....لزواج الاخ الصادق الزين
لم اطالع اي بيان....للآن وربما لا اجد زمنا....الا بعد عودتي.
لا علاقه لي باي بيان.....لم اكتب ولا اعرف من كتب......ولكني اعرف
اين اختلفت مع عبد المجيد صالح وفي ماذا؟ّ
وساروي ما اعرف وعادل عبد العاطي سيشهد بما ناقشته فيه وكذلك ثروت سوار الدهب.
اولا لا اعتقد بانه غواصه او خلافه.....لاني لم اعرف له قدرات فايته للحد
ولا ذكاء...ولا التزام فايت الحد لحد الريبه.....هو شاب عادي...للاسف كل ما لاحظته
انه شره جدا في امر تسجيل منظمه!!
خلافي معه.....نسناس.....وج ب ا ن.....يآتينا بعشرات الاخبار....عن اصدقائه الجلابه
او من يخدعهم بصداقته.....ويخرج لنا اسرارهم.....ويرفض اثباتها لما نبدأ الكتابه!
و الامثله كثيره.
تعود عبد المجيد مثل كثير من الدارفورين ال ج ب ن اء على نقل الكلام بالذات عن منظمات
المجتمع المدني......وكان اغلب القراء شهداء على معارك كثيره فجرتها هنا للاسف هؤلاء كانوا ابطالها
ويتوارن بصمت وكان العذر انهم ضحايا للاضطهاد طال امده لذا قدراتهم للصدام والتعبير لا زالت دون المستوي!
الكلام قد يطول والزمن محدود....
اذكر اول مره مرر لي رساله كانت في بداية صراع صلاح البندر مع منظمة ضحايا التعذيب
ولو رجعتم للارشيف ستجدون باني كنت متصديه للبندر في الاول..وقتها عبد المجيد كان
في السودان وارسل لي رساله من خلال هذا المنبر طلب مني الا اتصدى للبندر وان اتركه يعريهم!!
فقلت له ساتصل بكل لتروي ما تعرف....وفعلا اتصلت به....وقال لي :
(خليه يطلع زيتهم ديل مطلعين زيتنا هنا)!!
مالهم يا عبد المجيد؟ المهم رص وقص من النوع ابوكديس انهم مستهبلين ومنافقين
وما بيدعموا ناس دارفور ومبرطعين بالقروش برطعه و......و....الخ!
وفعلا وقتها عملت شخيت ووقفت بعيد!

Bashasha
تراجي يا صديقة، ده ما وكت كلام زي ده.
رجاءا رجاءا، لحدي هنا او وقفي.
بالله تلفون الصادق بكرة.
ماشي انوم فتك بعافية.

Tragie Mustafa
يا بشاشا انا قلة ادب الناس دي فترت منها
وعلى فكره هذا الانتهازي وقع وما حدش سمى عليه؟!
مش يفتكر ممكن
يهبش الناس ونسكت ليه؟!
Quote:
تراجي يا صديقة، ده ما وكت كلام زي ده.
رجاءا رجاءا، لحدي هنا او وقفي.
بالله تلفون الصادق بكرة.
ماشي انوم فتك بعافية.
رسلت لك التلفون.....و انا الناس ديل حدي معاهم القضاء.
عبد المجيد مجرد ج ب ا ن ....لا اكثر
طلب مني......التقيه لامر طاريء ومحمد سليمان
قلت له محمد سليمان ده توقيته صعب وما بنلقاهو بسهوله.....
فقال الامر عن امتناع قرفنا عن المشاركه في مسيرة جورج كلوني!!
..............التفاصيل ما بتهم زول....لكن بالنسبه لناس قرفنا بكونوا عرفوا الموضوع
الكان دائر وقتها؟!
فدعينا بعدها رضوان مالك باعتباره احد مؤسسي قرفنا وصارحناهو بنقدنا
لما حدث منهم!!
ورد رضوان مشكورا بكل اريحيه.....هذه المجموعه التي اتحدث عنها ليس دارفور
عشان ما يكذب المنافق اياهو...هذه مجموعه اكبر من ذلك بها عضويه من كل السودان!
كلها تابعت كلها ادانة(سيطرة العروبين و الاسلامين على قرفنا)
ووعد رضوان مالك باحتواء الامر!
عبد المجيد ج ب ن عن اعلان حضوره للاجتماع
رضوان كان اكثر شجاعه منه وظل هو حاضر وخافي حضوره!!
هذا الكلام لاحظوا قلنا في مسيرة جورج كلوني.....لا ياسر عرمان وصل لامريكا ولا بطيخ
في بيانه الهزيل الذي نزلته عفراء سند وسحبته لانه فعلا بيودي اي يزول ينشره في ستين داهيه
لانه فيه تجاوزات قانونيه رهيبه وتمكننا من مقاضاة كل ناشر له! حاول اقحام عرمان....لاستدار
عطف التيار العرماني بهذا الموقع.....!!
اللذيذ في الامر
انه صاحبنا دقس ولم يمس تراجي لوحدها بل مس كثيرين....
و بالتالي البيان بقى سمك لبن تمر هندي
يعني كل زول عنده شلته الحتجي وتردح هنا لما تنتهي الدوره الارشيفيه!
اها نشوف الزول العبيط ده البصفنا بالقبليه وقام جرى لحد ولاية ايوا عشان يلقى زول من قبيلته ينزل ليه
بيان هزيل مثل هذا....يجمع فيه ناس عمرهم ما اتفوقوا...من هشام عثمان الشيوعي العامل عدل ومساواة
لحد هاديه سنين الكاتبين اسمها خطأ وهي لا زولة منابر ولا نعرف لها اي خلاف مع عبد المجيد...لعلم الدين المسكين....لمكي ابراهيم مكي الهوا جاب عبد المجيد لامريكا؟!لتراجي التي كذب عنها عبد المجيد بقوله
قال ايه حاولت لقاء بان كي مون...ولم تتمكن؟!(ههههههههههههههههههههههه) باني كي مون البتقابله انه
يا عبد المجيد بغلبني اقابله يا عبيط؟!
Quote: توضيح مهم حول البيان المدسوس باسم ابناء دارفور بالولايات المتحدة
وضيح مهم حول البيان المدسوس باسم ابناء دارفور بالولايات المتحدة
الذي اصدره (تراجي مصطفي,مكي مكي,هشام عثمان,هادية علم الدين)
ضد ناشط حقوق الانسان عبدالمجيد صالح
تمهيد:
في البدء نوضح الاتي انه ليس هنالك اي جسم في الولايات المتحدة يسمي (بفعاليات ابناء دارفور بالولايات المتحدة) والبيان المدسوس في وسائل الاعلام هو بيان قام بصياغته (مكي مكي ,تراجي مصطفي ,هادية علم الدين وهشام عثمان) بعدما فشلو في تجميع توقيعات لبيانهم من قبل روابط وجمعيات ابناء دارفور بالولايات المتحدة .
ونوضح الاتي ايضاً ان الخلاف هو دافعه قبلي وعرقي واكثره حقد من قبل المزكورين اعلاه ضد عبدالمجيد صالح, فمنذ وصول عبدالمجيد صالح الولايات المتحدة سعي مع ناشطين اخرين الي تنشيط قضية دارفور والسودان في اورقة البيت الابيض والامم المتحدة وتشهد له بذلك كل مؤسسات ابناء دارفور بالولايات المتحدة ومنظمات حقوق الانسان العاملة في موضوع السودان.
منذ مدة طرات خلافات وسط ابناء دارفور بالولايات المتحدة وكندا وكان طابعها شخصي بين عبدالمجيد صالح الناشط المعروف وسط دوائر صناع القرار في الولايات المتحدة والامم المتحدة وكان سببه هو ان عبدالمجيد صالح قد التقي الامين العام للامم المتحدة بان كي مون وكانت (تراجي,مكي,هشام,هادية) قد اعترضو علي ذلك الاجتماع واللقاء وانهم يريدون حضور ذلك الاجتماع ولكن ليست لهم بطاقات دخول ولا بطاقات عضوية في المنظمات التابعة للامم المتحدة فلم يحضرو اللقاء وانتهي ذلك الخلاف بعدم رضي (هشام,تراجي,مكي وهادية) علي عبدالمجيد .
الخلاف الاول :
اختلاسات (هشام عثمان) في مشروع توطين ابناء دارفور بالولايات المتحدة:
بتوصية من ابناء دارفور بولاية نيوجيرسي ونيويورك عين هشام عثمان متطوع بمنظمة (المنظمة اليهودية للخدمات) Jewish Vocational service ليعمل علي توطين اسر دارفورية في الولايات المتحدة قادمة من تشاد ومصر .
قام هشام عثمان بعمل (اختلاسات مالية) داخل المنظمة وتم طرده منها وعينت موظفة اخري من العراق محله ولان عبدالمجيد صالح تربطه صله بالمنظمة اتهم هشام عبدالمجيد بانه قام بطرده من المنظمة وبدا هنا خلاف اخر.
وهشام عثمان تحوم حوله شكوك بعلاقته بموظف بالسفارة السودانية (بواشنطون ) وقد دعي الي عشاء من قبل محمد سليمان الملحق الامني بالسفارة السودانية ولبي هشام الدعوة والتقت له صورة وهو في مطعم اثيوبي وكان ذلك عام 2010.
وهنا تجدون رابط للفعالية
واشنطن : معارضين فى ضيافة الامن ؟؟؟؟؟
الخلاف الثاني :
اتصلت شرطة (وزارة امن الداخل ) بمكي مكي الموظف بمعهد السلام المستدام تساله عن شخص يسمي(ا,م) حضر الي المطار بدعوة من المعهد لحضور ورشة عمل يقيمها المعهد في ولاية دنفر كلورادو وان الشرطة تحقق في تاريخ الورشة التي انتهت قبل حضور المدعو (ا,م)وعندما سالت الشرطة مكي بخصوص المدعو (ا,م)انكر مكي بدعوته وقامت الشرطة مباشرة باعتقال الشاب الدارفوري واودعته السجن وتقدم الشاب بطلب لجوء ورفضت وزارة الهجرة بطلب الشاب(ا,م) تسبب (مكي مكي ) بازمة وسط فعاليات ابناء دارفور بتكساس والولايات المتحدة لان الشاب (ا,م) ينتمي الي قبيلة اخري غير قبيلة مكي واتهم مكي بانه وراء ترحيل هذا الشاب الي السودان.
ولمكي اشتباه لتعاونه مع الحكومة السودانية خاصة (سفره الاخير الي السودان ودارفور) وعمل مؤتمر في الفاشر ومدينة الملم , ومتهم من قبل ابناء دارفور بانه يقوم بعمل مع والي ولاية شمال دارفور محمد عثمان كبر بعمل مشروع لتنمية ريفي وادي الملم وانه التقي بجهاز الامن ونسق معهم مؤتمر للادارة الاهلية والصلح القبلي .وهنا تجدون صور لمكي وهو في الفاشر والخرطوم في هذا العام 2012 .
الخلاف الثالث:
زيارة ياسر عرمان الي امريكا والتحدث في مسيرة نيويورك
وصل ياسر عرمان الي الولايات المتحدة وكانت تراجي مصطفي ومكي قد قامو بعمل حمله كبري وسط ابناء دارفور لتحجيم نشاط ياسر عرمان من الاتصال بدوائر صناعة القرار في الولايات المتحدة وعمل اكتر من اجتماع هاتفي لمناقشة الامر ولم يحظي راي تراجي ومكي باي قبول وسط ابناء دارفور لان المعركة الان اكبر من مضيعة زمن لمناقشة امر شخصي بين تراجي وياسر عرمان وحركة قرفنا وقامت تراجي بالاتصال بالناشطين المنظمين لفعالية المظاهرة في نيويورك ولم تكلل بنجاح لانه تم طلب احضار ادلة تثبت تورط ياسر عرمان وحركة قرفنا في اي اتصالات مع الحكومة السودانية وسوف يوقف الناشطون فوراً انشطة ياسر عرمان وحركة قرفنا والا فان حديثها عبارة عن اتهامات وهم ليسو مستعدين في مشاكل السودانيين.
وعبدالمجيد هو احد منظمي تظاهرة نيويورك واتهمت تراجي عبدالمجيد بانه وراء دعوة ياسر عرمان وحركة قرفنا الي نيويورك مع العلم بان اللجنة المنظمة للمظاهرة هي التي دعت ياسر عرمان وعبدالمجيد ليس له اي دخل بهذا التصرف.
الخلاف الرابع
اختيار عبدالمجيد صالح في اللجنة التنفيذية لتحالف (اعمل من اجل السودان) Act for Sudan يكمن بيت القصيد لان المزكورين اعلاه رفضو ذلك ولكن منظمة (هاند) المنظمة التي يديرها عبدالمجيد عضو مؤسس في التحالف وتم اختيارها لتكون في اللجنة التنفيذية مما اثار رفض المزكورين ولكن التحالف رفض دعواتهم ولم يستمع لارائهم.
وفي الختام نقول انه يجب وقف هذا الهجوم غير المبرر علي عبدالمجيد صالح
هو ناشط معروف ويعمل ليل نهار من اجل توصيل صوت دارفور الي اروقة الامم المتحدة ودوائر صناع القرار في البيت الابيض والادارة الامريكية.
رابطة ابناء دارفور – الولايات المتحدة الامريكية
ديمون – ولاية ايوا
اها نجيء للبدايه...و بالله يا جماعه لو في زول لمح البيان الاول الرد عليه عبد المجيد بهذا يجيبه لينا:

Quote: توضيح مهم حول البيان المدسوس باسم ابناء دارفور بالولايات المتحدة
وضيح مهم حول البيان المدسوس باسم ابناء دارفور بالولايات المتحدة
الذي اصدره (تراجي مصطفي,مكي مكي,هشام عثمان,هادية علم الدين)
ضد ناشط حقوق الانسان عبدالمجيد صالح
طبعا.....الزول ده من اللخمه كتب
هاديه علم الدين وهو يعني هاديه سنين
ويعني رفيقنا علم الدين آدم!!
الهضربه لزومها شنو؟! يا مسكين؟!
وبتفق مع البيان المفبرك من قبل عبد المجيد واقربائه في هذه الجزئيه:
Quote: في البدء نوضح الاتي انه ليس هنالك اي جسم في الولايات المتحدة
يسمي (بفعاليات ابناء دارفور بالولايات المتحدة)
فعلا لا يوجد
جسم يحمل هذا الاسم....وواضح انه بيان من جهة غير معروفه او مختلقه!
ونجيء لاكاذيب المدعي عبد المجيد:

Quote: منذ مدة طرات خلافات وسط ابناء دارفور بالولايات المتحدة وكندا
وكان طابعها شخصي بين عبدالمجيد صالح الناشط المعروف وسط دوائر صناع
القرار في الولايات المتحدة والامم المتحدة وكان سببه هو ان عبدالمجيد
صالح قد التقي الامين العام للامم المتحدة بان كي مون وكانت
(تراجي,مكي,هشام,هادية) قد اعترضو علي ذلك الاجتماع واللقاء
وانهم يريدون حضور ذلك الاجتماع ولكن ليست لهم بطاقات دخول
ولا بطاقات عضوية في المنظمات التابعة للامم المتحدة فلم يحضرو
اللقاء وانتهي ذلك الخلاف بعدم رضي (هشام,تراجي,مكي وهادية) علي عبدالمجيد .
اولا هذا الكلام مجرد كذب......
ولم يحدث.....ولا سمعنا بيه في الحراء ولا في الطراء.....
وكل الخلاف كان حول ما نقله عبد المجيد عن عدم مشاركة ناس
قرفنا الهوا قاعد في وقائمهم البريده ولابد
عن مسيرة جورد كلوني.....ثانيا تراجي الفي كندا ومكي
الفي تكساس دخلهم شنو ببان كي مون ولا بانكي بطيخ؟!
نحن سمعنا باوكامبو.... و لم اسمع ببان كي مون هذا الا الآن؟!
وانا شخصيا لم اتقدم باي طلب للحضور واتحداهو ان يبرز ايميلا بذلك.
ثانيا: كما علمت بان هشام عثمان يمتلك بطاقه دخول للامم المتحده في اي وقت شاء؟!
فيا اخي اختراعاتط وفبركاتك هندسها شويه؟! عشان تبشه المنطق...وتعلم تماما
كل الكتبوا انهم عايزين يدخلوا ودخلوا ممكن عادي اطلب شهادتهم لو شافوني مليت فورم ولا هباب؟!
حكيت الامر لعادل عبد العاطي ولثروت سوار الدهب
عادل كان توصيفه للامر انه هذه الظاهره التقاها كثيرا
بين ابناء الهامش.....انهم ما بيقدروا يواجهوا....
ولكنها لا ترتقي لتهمة الامنجيه.....وحدثني انهقبل كده عبد المجيد صالح
جاب له ملف كامل عن اسمين مشهوارت في مجال حقوق الانسان وعادل قال له اديني ليه
وانا بفجر الامر عن فسادهم....واستغلالهم للمنظمات...ولكن عبد المجيد منعه
بعباره لسه يا عادل ما وقته!!
فقال لي عادل عادي ممكن مجيد يجيب كلام عن ناس قرفنا وما يقدر يواجه!!
قلت ليه انا البغيظني الناس دي ليه بندرعوا لي في رقبتي ليه؟!
وبيضيعوا زمني وزمن اولادي.....وفعلا كنت غاضبه جدا فقد ارهقتنا
(قوالة)عبد المجيد الجابها ارهاق مبالغ فيه.....وختمها بتملصه عن المواجهه!
واتحدى عبد المجيد صالح ان ينكر بانه لم يجمعني بعشرات الشباب
من كمبالا لاستمع منهم مباشره لمدى ظلم محتكري منظمات المجمع المدني
من امثال:
1)هاله الكارب
2)عبد المنعم الجاك
3) عثمان حميده....
ورغم ذلك يحرص المنافق عبد المجيد صالح هارون على التمثيل عليهم انه صديقهم!!
بينما الكلام لنا بكون بوصفهم(هاهم كبار مستنكحي الجلابه
المستفيدين من منظمات المجتمع المدني)!!
وتابعوا.....كيف ناس(رمتني بدائها وانسلت)!!
Quote:
ونوضح الاتي ايضاً ان الخلاف هو دافعه قبلي وعرقي واكثره حقد من قبل المزكورين
اعلاه ضد عبدالمجيد صالح, فمنذ وصول عبدالمجيد صالح الولايات المتحدة سعي مع ناشطين اخرين الي تنشيط قضية دارفور والسودان في اورقة البيت الابيض
والامم المتحدة وتشهد له بذلك كل مؤسسات ابناء دارفور بالولايات المتحدة ومنظمات حقوق
الانسان العاملة في موضوع السودان.
Quote: رابطة ابناء دارفور – الولايات المتحدة الامريكية
ديمون – ولاية ايوا
عرقي....بالله؟! وقبلي كمان؟! اها منو ضد منو؟!
انا دي قبالك سماني بعضهم باتراك دارفور؟!فيا ترى ماذا سميتني انت؟!
حسه الجمع الناس ديل (سمك /لبن/تمر هندي) ديل شنو؟! ضدك؟!
و انت البخليك تتحامي بقريبك الفي أيو عشان ينزل لك بيان لماذا

لم تتجرأ وتكتبه باسم رابطة ابناء نيويورك؟!

اليست هي الولايه التي تقيم بها؟! ويفترض يعرفون انشطتك؟! ام بلا خجله تنط لدموي..., على فكره تكتب ديموي وليست ديمون ؟!


وبعدين قلت لي سيادتك النشطته قضية دارفور؟! تطير عيشتها لو راجيك صدقني....

قضية دارفور دي تحمد ربها وقف ليها رجال زي ناس محمد سليمان يصلون الليل بالنهار(عملا) من اجلها!

لا بهادنوا لا عايزين ياكلوا عيش من ورائها لولالهم لكانت راحت التوج!

شوف يا سي عبده.... ....

مش كل الطير البتاكل لحمه يا استاذ؟!

وانا لحمي مر لحكومتك نفسها وكل اجهزتها القمعيه ما بتجيء انت الانتهازي

وكل همك تسجل منظمه تلغف من ورائها

تعمل لينا المناظر دي...!!



ومكي يا مكي سامحني انا بكون اللميتك في كل البلاوي دي؟!

لولاك لكان هذا الانتهازي قاعد يضرب اخماس في اسداس ويمسح

جوخ لناس منعم الجاك و عثمان حميده
عشان ياكل عيش!!

Yassir Tayfour
غايتو يا تراجي السُواطة دي بتشبهك ؛)
__
مجيد خرت منكم الجو هههه ههه هه ه

Tragie Mustafa
وقبل ما اكمل للصعاليك الحيظهروا...,يعملوا الامر تصفية حسابات.....
الكتابه.....هنا ليس لاجلهم وانما للتوثيق.....وحاصور البوست ده بكل فخر....

لانه وارد ربما بكري يستجيب للبعض ويسحبه!

ياسر طيفور

نسيت اقول لك فردتك كودي ما حيتجرأ يظهر.....عارف ليه عنده اصحاب اتهبشوا(ههههههههههه)
وعنده ادله لصالحي اها كيف معاك؟!
وتراجي في جاه الملوك تلوك....قال صواتك يا مسكين...

Quote: غايتو يا تراجي السُواطة دي بتشبهك ؛)
__
مجيد خرت منكم الجو هههه ههه هه ه

مبروك عليك عبد المجيد!!
Yassir Tayfour
يا تراجي صاحبي كودي ما بتقدرو عليهو كان كلكم إجتمعتو على قلب رجل/إمراة واحد/ة..
__
عليك الله يا تراجي قال لي وقلت ليهو وفلان قال وعِلان قال وقنا، ده وكتو؟ غايتو كان ناس المعسكرات راجنكم، أخير ليهم يمشو يلاقو الموت ساكت ..
Tragie Mustafa
نسيت ان اقول في الاول.....

انه انا لو كنت عايزه اهاجم هذا الوهم لفعلت هنا....باكر!!

ولكني لم افعل بناء على طلب من عادل عبد العاطي....وطلب مني

ان امهله وامهلته الي ان فجؤت بهذا البيان الوهمي ورد عبد المجيد

الطلعه باسم رابطة ايو وكلنا نعلم بانه لا رابطة ايو ولا بطيخ! وانما قريبه!

فقط هو من ورطه بهذا الغثاء!!
Yassir Tayfour
وكل همك تسجل منظمه تلغف من ورائها

أها يا تراجي دحين ده مو ياهو الكلام البقولوهو عليكم الكيزان، بقيتو تقولوهو لبعضكم؟
__يا تراجي البياكل براهو بيخنق، أدونا معاكم، يدوكم الكود ووجع اللغود

مكي ابراهيم مكي
الاخت تراجي سلامات
اولاً \ انني كنت السبب المباشر في حضور الاخ عبد المجيد للولايات المتحدة الامريكية بعد ان قدمتهو لي الاخت تراجي وعرفتني به في كمبالا كناشط دارفوري ينوي حضور ورشة المعهد وبعد ها قدمت له من خلال موقعي كمسئولاً عن ملف السودان بمعهد السلام المستدام بتكاس دعوة لحضور فعاليات ورشة المعهد للعام 2010 بكلورادو ، بقي ان يعرف الجميع، اني لا صلة لي بهذا البيان المكتوب ، ولم يعرف انني ادير صرعاتي وخلافاتي متخفياً خلف الكواليس كما يفعل خفافيش الظلام ،عليه ارجو ان يكف الجميع عن الاستجوبات المقرفة وسوف احتفظ بحقي التام في الملاحقة القانونية والقضائية ضد كل شخص او جهة يرسل اشاءت كاذبة ومخلوطة ولكل حادثة حديث

ثانياً \ ديمونيس ايوا هي مدينتي التي عشت فيها لفترة اكثر من عامين وعملت برابطة ابناء دافور بولاية ايوا لدورتين خلال اقامتي فيها حيث كنت المسئول الاعلامي للرابطة في دورة 2007 ومستشار الرابطة لدورة 2008 . اتصلت ببعض الاخوة في رابطة ايوا ونفوا لي علمهم بهذا البيان المعنون باسمهم مما يدل علي ان هناك تزوير تم باسم الرابطة الي يوم غداً سوف نفك كل هذه الاشباكات !
ثالثاً\ فيما يثار من خلافات وسط ابناء دارفور من عشائرية وغيرها خلال هذه الايام هي فقط من خزعبلات لا توجد سوي في عقلية مروجي هذا البيان ، لم اتحدث مع تراجي فيما يتعلق بعرمان هي فقط محض افتراءات زائفة وكذب صراح لا مكان لها من الصحة ،لم اكن في نيويورك وقتها ولا علم لي باجتماع (باي كيمون ) اخر مرة كنت في نيويوك قبل 3 شهور ولم واستجدي من احد ان يتوسط لي في الدخول الي لقاء احد ومنظمتي التي اعمل بها هي جواز مرور لي للدخول الي كافة الهيئات من غير ان اطلبها من اشخاص حديثي الاقامة بهذه البلاد !! لامكان لمضيعة الوقت والحديث الفاضي وكل شئ بوقتو !!!

ولنا عودة

Tragie Mustafa
شكرا مكي على هذه الشهاده الهامه:

Quote: الاخت تراجي سلامات

اولاً انني كنت السبب المباشر في حضور الاخ عبد المجيد للولايات المتحدة

الامريكية بعد ان قدمتهو لي الاخت تراجي وعرفتني به في كمبالا كناشط دارفوري



نستاهل نحن يا مكي كما يبدو....العملنا للعشر شوك!!
Tragie Mustafa
كلمه آخيره وماشه انوم

انا يا عبد المجيد الوهم قلت لك من زمان.....

اياك ان تقابض.....انا العايزه اطقطه بطقطه هنا وباسمي.....

ما انا البتاعت انتحال اسماء؟!.....


فاهم......فاياك....ان تستهبل..... الشامناك كثر

وانت ادرى بهم...فبطل استهبال....بجيك...لباقي بيانك الوهم بهدؤ.

النكمل عرس الصادق الزين ده وبنجيك!!
ياسر طيفور

عايز تاكل بس باري امثال عبد المجيد ديل بتاكل ملبن ذاته:

Quote:

Quote: وكل همك تسجل منظمه تلغف من ورائها



أها يا تراجي دحين ده مو ياهو الكلام البقولوهو عليكم الكيزان، بقيتو تقولوهو لبعضكم؟
___
يا تراجي البياكل براهو بيخنق، أدونا معاكم، يدوكم الكود ووجع اللغود



ده ما كلام الكيزان براهم كلام ناس كثار...منهم ناظم الشيوعي كتبه لي هنا من فتره!!





اها عبد المجيد ده فاكر روحه بطول لسانه فينا لانه لقانا غبش وما بتاعين منظمات

اها قاعد يقطع في ناس الباقر العفيف وناس منعم الجاك وناس عثمان حميده وهاله الكارب

لكن بتحت تحت في العلن هو صديقهم...لانه معتبرهم هم ناس الفكه ونحن دراويش ساكت!!



شايفني يا طيفور سجلته لي منظمه؟!

ماهو عشان الكلام الزي ده....لوغلبك اسال اصحابك بتوع المنظمه الجديده في تورنتو!

عمنا ده(عبد المجيد) عنده منظمه

حمور زيادة
يا تراجي ..
اجد نفسي أتفق تماما مع نصيحة الصادق الزين و مع كلام بشاشا الهنا ده ..
على الاقل اهدي وانت بتكتبي .. ده منبر عام .. و انت أدرى يعني شنو منبر عام
القضية اذا هي مشاكل يمكن حلها بين الناس البيعرفو بعض فهذا افضل من جعلها منبر عام و نقل كلام فيو ..
الاتقال في حق مجيد في البيان القالو جادات سيء .. وهو اتهام لا يصح ان يطلق بدون بينة .. و الكلام الاتقال في حقكم انت و مكي و البقية قوالات سيئة ..
لكن كمان ما تزيدي النار بانك تحكي قصص يا تراجي نحن كقراء ( بنمثل الراي العام ) ما بنقدر نحكم و عليها ويبقى لنا الموضوع مجرد شمار حق شكل بين ناس شغالين في قضية كلنا مهتمين بيها حتى لو اختلفنا مع فرد او اكتر في طريقة طرحو او تناولو للقضية دي.
انت في نص ردك الزعلان ده اتهمتي مجيد انو انتهازي و قلتي ليو حكومتك واجهزتها القمعية .. ده ما عندو فرق من اتهامو بالتغويص
واتهمتيو انو عاوز يسجل منظمة عشان ياكل قروشا .. وده لا يختلف عن اتهام هشام عثمان انو اختلس.
ده كله كلام مرسل ساي من الافضل يتحل في ما بين الناس في أمريكا غادي غادي بدل تجيبوهو لينا نتفرج و تبقى فقرة مصارعة حرة كل زول يخش يفش غبينتو في واحد فيكم.
يعني انا هشام عثمان قبل يومين كتب ليو ملاحظة عني ما رضتني في بوست لرواية .. اقوم هسه اشيل الاتهام الورد بحقو ده و ادق بيو الطار. و يجي زول عندو معاك مشكلة يشيل اتهامك و يحوم بيو.
لزومو شنو يا تراجي ؟
انصحك بشدة تسمعي كلام الصادق و تحلو ما بينكم بهدوء. اذا لا قدر الله في حقيقة غواصة او زول مختلس تعالو بعد داك اعرضوها للرأي العام باثبات.
ما مجرد ونسة تسئ لسمعة الشخص و خلاص.
قصة تراجي زعلت عشان ما حضرت .. و عبد المجيد بيقطع في عثمان حميدة .. ده كلام عيب و الله يتنقل في المنابر.
ختي الرحمن في قلبك. اقفلي المنبر ده هسه. وشوفي سفرك وقابلي الصادق و حتقابلي هناك مجموعة اكيد من ناشطي دارفور واقعدو وحلو الموضوع.
شكل سودنيز اون لاين ما حتكون نتيجتو غير : ناس دارفور الفي أمريكا طلعو ما بين غواصة وما بين ناس منظرة ولبع قروش.
وده كلام ما ليو معنى وما بيفيد زول.
العني ابليس يا تراجي ( والعني معاو ياسر طيفور ده زاتو )
و يا مكي عجبني ردك المنضبط بقدر الحاجة رغم فداحة الاتهامات

Tragie Mustafa
حمور شكرا على كلامك

بس لعلمك الانت فاكرها ونسه دي

كل زول بتعنيه حيتذكر الموقف....المحدد!!

يعني ناس قرفنا ديل انا رميت لهم شوية كلام

انت ما عارف باقيه شنو لكن هم فاهمين .

لما اقول ناس كمبالا رفاقه الفيها وكانوا بيدخلوا يشتكوا عارفيني صادقه

وعارفين ده حصل ووقتها حيتسغربوا هذا العبد المجيد عمل كده ليه!!



انا زعلانه لاني البيان ما كتبته وهذا الشخص يعرف ذلك تماما

كيف اقحم اسمي بهذه الجرأه؟!

وكيف له ان يحلم مجرد حلم بانه سينجو منها؟!


انا لما درشته درشته بجووده وقدام شهود

يعني لا محتاجه لبيانات ولا قرف.....

esam gabralla
يا ياسر ما تستهون بما تقرأ أمامك , تجربتى الخاصه تقول أن كل شئ في الدنيا دى ممكن , مثلآ الكلام ده لى معظم الناس قريبين من صراع سوات كانو عارفنو , عارفين انو حياد و صمت معظم أبناء و بنات دارفور و من غير دارفور كان أحد الأسباب وراه عبدالمجيد بالتحديد رغم معرفة بعضهم الجيده جدآ لما قدمته سوات و مركز الخرطوم في دارفور و للعلم لم يتفاجأ كثيرون بذلك فالدخان كان قد بدأ:

Quote: اذكر اول مره مرر لي رساله كانت في بداية صراع صلاح البندر مع منظمة ضحايا التعذيب
ولو رجعتم للارشيف ستجدون باني كنت متصديه للبندر في الاول..وقتها عبد المجيد كان
في السودان وارسل لي رساله من خلال هذا المنبر طلب مني الا اتصدى للبندر وان اتركه يعريهم!!
فقلت له ساتصل بكل لتروي ما تعرف....وفعلا اتصلت به....وقال لي :
(خليه يطلع زيتهم ديل مطلعين زيتنا هنا)!!
مالهم يا عبد المجيد؟ المهم رص وقص من النوع ابوكديس انهم مستهبلين ومنافقين
وما بيدعموا ناس دارفور ومبرطعين بالقروش برطعه و......و....الخ!



في تفاصيل مهمه و كتيره يعرفها جيدآ من هم أقرب منى للأمر , في أيامها كان تقدير هؤلاء أن الأمر جانبي و غير مهم لاثارته و أنها خرمجات "عاديه" بتحصل, في تقديري الخاص أن الأمر قد يكون أخطر من هذا. عبدالمجيد عميل أو غواصه هذا أمر يكشفه الزمن , و أنا مع عدم إطلاق الاتهامات جزافآ دون اثبات , لكن المؤكد أن أسلوب عمله هذا - غض النظر عن نوايه و أجندته - سئ للغايه و مضر بالعمل العام و المدنى.
لو الواحد كان جاب كلمه واحده عن الأمر ده قبل اليوم لتم رجمه فمن ناحيه شيوعى و دى معروفه بتفتح ياتو ابواب جهنم و من ناحيه "جلابي" و دى بتفتح جهنم التانيه

شوف الكلام ده عجيب كيف


Quote: جاب له ملف كامل عن اسمين مشهوارت في مجال حقوق الانسان وعادل قال له اديني ليه
وانا بفجر الامر عن فسادهم....واستغلالهم للمنظمات...ولكن عبد المجيد منعه
بعباره لسه يا عادل ما وقته!!

فقال لي عادل عادي ممكن مجيد يجيب كلام عن ناس قرفنا وما يقدر يواجه!!

Tragie Mustafa
:
لو الواحد كان جاب كلمه واحده عن الأمر ده قبل اليوم لتم رجمه فمن ناحيه
شيوعى و دى معروفه بتفتح ياتو ابواب جهنم و من ناحيه "جلابي" و دى بتفتح جهنم التانيه



حصل فعلا يا عصام

ولمح الشويعين انه هذا العبد المجيد غواصه

فسالتهك فكان رده هم يرفضون تعاملي مع ناس حق

ووقتها ناس حق استضافوا وقدموا ليه مكتب يقدر يمارس من مهامه !


صحيح يا عصام شيوعي تجيب لك رجم ناس حق و الليبرالي.

وجلابي تجيب لك رجم ناس تراجي!!

nabielo
اعتقد بهذا البوست تحقق هدف الجهات الامنية السودانية التي اصدرت البيان الاول
و احتمال كبير هي الجهة الاصدرت البيان الثاني ( وهنا شهادة عبد المجيد مطلوبة )

Quote: انا زعلانه لاني البيان ما كتبته وهذا الشخص يعرف ذلك تماما
كيف اقحم اسمي بهذه الجرأه؟!
يا تراجي بتقولي انك ما عندك اي علاقة بالبيان الاول
طيب ما خطر علي بالك انو عبد المجيد ما يكون عندو علاقة بالبيان الثاني ؟
و انو البيان الثاني ايضا يكون صادر من جهاز الامن ؟

بشير أحمد
ام حازم
تحياتي؛؛؛
جيت أسلم بس؛
وجبت جبادتي معاي.
______--
UP

Abdel Aati
عصام جبر الله شايفك عايز تصطاد في الماء العكر

Quote: يا ياسر ما تستهون بما تقرأ أمامك , تجربتى الخاصه تقول أن كل شئ في الدنيا دى ممكن , مثلآ الكلام ده لى معظم الناس قريبين من صراع سوات كانو عارفنو , عارفين انو حياد و صمت معظم أبناء و بنات دارفور و من غير دارفور كان أحد الأسباب وراه عبدالمجيد بالتحديد رغم معرفة بعضهم الجيده جدآ لما قدمته سوات و مركز الخرطوم في دارفور و للعلم لم يتفاجأ كثيرون بذلك فالدخان كان قد بدأ:

عبد المجيد لم يكن طرفا في صراع سوات ؛ ودعني ازيدك من الشعر بيتا ان صلاح البندر انسان قذر ؛ ولكن بعض جماعتك الشيوعيين اقذر منه ؛ واساليبهم لا تختلف عن اساليبه؛ بل هو خريج مدرستكم؛ ويكفي انهم اتهموا زميلكم الشيوعي ورئيس مركز الخرطوم بالامنجية ولا دي ناسيها ؟؟ اصلها دس اساليبكم .. ولربما لهذا فضل ابناء دارفور ان يصمتوا ولا يدخلوا انفسهم في هذا الصراع القذر

Quote: في تفاصيل مهمه و كتيره يعرفها جيدآ من هم أقرب منى للأمر , في أيامها كان تقدير هؤلاء أن الأمر جانبي و غير مهم لاثارته و أنها خرمجات "عاديه" بتحصل, في تقديري الخاص أن الأمر قد يكون أخطر من هذا. عبدالمجيد عميل أو غواصه هذا أمر يكشفه الزمن ,

يموت الزمار واصابعو تلعب .. فعلا انت شيوعي اصيل .. الزمن لن يكشف شيئا لأن عبد المجيد ليس عميلا ولا غواصة ولكن هذه اشاعات بعض اصحابك الشيوعيين والامنجية ؛ وهذه هي القذارات التي اتيتم بها للحياة السياسية السودانية .. وليس من الصعب ردها اليكم ولكننا لسنا مثلكم

Quote: و أنا مع عدم إطلاق الاتهامات جزافآ دون اثبات

بلاي ؟؟ ليه ماخد على خاطرك كدا ؟؟ شنو اللطافة دي ؟؟

Quote: لكن المؤكد أن أسلوب عمله هذا - غض النظر عن نوايه و أجندته - سئ للغايه و مضر بالعمل العام و المدنى.

شنو انت تعرف عن اسلوب عملو ؟؟ اين عملت معه ؟؟ هل جمعتكم مؤسسة واحدة ؟؟ هل جمعكم بلد واحد ؟؟ ولا معتمد على كلام تراجي المرسل فوق دا ؟؟ كلام تراجي يحكمه الغضب وجزء منه غير دقيق وجزء منه مبني على قرائن من المستحيل اثبتها - يعني زعمها انو مجيد حضر ليهم اجتماع متخفي وهوانكر ذلك - أم من اصحابك الشيوعيين الذي جلبوا اشاليب اغتيال الشخصية للحياة العامة ؟؟؟ . أها اقول ليك يا عصام اكثر من اضر العمل العام هم الشيوعيين ؛ والمنظمات التي تهاجمها تراجي وتقول ان مجيد جبــــان لأنه لا يهاجمها يسيطر عليها شيوعيون؛ فلا تفتح لنا معارك جديدة نحن في غنى عنها .

Quote: لو الواحد كان جاب كلمه واحده عن الأمر ده قبل اليوم لتم رجمه فمن ناحيه شيوعى و دى معروفه بتفتح ياتو ابواب جهنم و من ناحيه "جلابي" و دى بتفتح جهنم التانيه

والاتغير شنو غير انو دعايو الامنجية وارذال الشيوعيين وجدت من صاغها في بيان ؟؟ اما انك جلابي فدي لا تهمني؛ واما انك شيوعي لا تفهم ولا تتطور ويحكمك الانتماء الحزبي الضيق فقد اثبتتها اكثر من مرة وسجلت بها سقوطا عظيما .

تراجي سلامات

اولا : ما هو دليلك ان البيان الثاني كتبه عبد المجيد ؟
ثانيا : ادين البيان الثاني وكاتبيه واعتبر ان البيانين صادرين من جهات مشبوهة يهمها ضربكم ببعض
ثالثا : نعم تحدثنا واشتكيتي من عبد المجيد ووعدتك بالحوار معه؛ وقد تحاورت معه ونقلت لك ما تم من حواري معه وكنتي في غاية الغضب ؛ وعبد المجيد قال في حواري معه وردا على اتهاماتك انه يحترمك ولم يتكلم عنك بسوء ولا يريد ان يدخل في صراعات مع ناس قرفنا وياسر عرمان وهذا سبب الخلاف الاساسي وانك تعتبرين المختلف معك عدوا وهو لا يعتبرك عدو ؛ واذكر لك غضبك الشديد من رده هذا وهو الامر الذي اثار اندهاشي
رابعا : ما حكيتيه من تفاصيل عن حواراتنا ليس دقيقا وليس بهذا الكلمات ؛ وتفاصيله كالتالي :

1- نعم قلت لك ان كثير من ابناء دارفور - وليس ابناء الهامش عموما - مسالمون ولا يحبون المواجهة او الصراع العنيف؛ وقلت لك اني قلت مرة للزميل عبد الرحيم هرون ان اكثر شيء ضراكم هو طيبتكم هذه .. ولكني لم اقل انهم لا يقدرون على المواجهة ولا يحق لي ذلك . تحدثت ايضا عن عامل نفسي ان كثير من ابناء دارفور والنوبة يتجنبون مواجهة اخطاء بعض ناس المركز وذلك حتى لا يتم اتهامهم بالعنصرية ؛ وهي تهمة جاهزة .
2- نعم كتب عبد المجيد تقريرا عن ممارسات بعض "ناشطي حقوق الانسان" ودورهم في افساد واحباط فكرة التحالف السوداني من اجل المحكمة الجنائية ؛ وكذلك حملاتهم المسمومة عنه؛ وقد طلبت منه ان نخوض المعركة معهم؛ وفعلا قال ان ذلك الوقت غير مناسب وان هذا الامر سيضر بعمل كل الناشطين وبقضية دارفور؛ وقد التزمت بكلامه باعتباره كان المسؤول عن ملف دارفور ونشاط جمعية شباب السلام الخ ؛. والملف عندي ومجيد سلمني له وسيأتي وقت نشره يا تراجي. وأنا لم اطلعك عليه ولم انشره ولم افتح قضيته ؛ هل هذا يعني اني ج ب ا ن أيضا ؟؟
3- قلت لك يمكن ان يكون عبد المجيد عندو معلومات عن قرفنا ولكن قد لا ينشرها ؛ ولم احسم بهذا لاني لا اعرف شيئا عن ذلك؛ وقلت كلامي هذا وذلك اني اعرف طريقة تفكير مجيد اذ هو يعتقد ان هذا يضر بوحدة العمل المعارض والديمقراطي؛ وكثيرا ما انتقدني حول صراعاتي مع الشيوعيين وكان ايضا يقول ان هذا ليس وقته؛ ولم اقل انه يخشي المواجهة ولكنه لا يريد المواجهة بين القوى المعارضة .
اخيرا :
Quote: قلت ليه انا البغيظني الناس دي ليه بندرعوا لي في رقبتي ليه؟!
وبيضيعوا زمني وزمن اولادي.....وفعلا كنت غاضبه جدا فقد ارهقتنا
(قوالة)عبد المجيد الجابها ارهاق مبالغ فيه.....وختمها بتملصه عن المواجهه!
نعم يا تراجي لاحظت انك كنتي غاضبة جدا واكثر من اللازم حتى تخوفت عليك ؛ ونصحتك الا تخوضي صراعات الناس وتدعيهم يخوضوها وكذلك قلت لك اني لن اخوض صراعات الاخرين ولن اشيل وش القباحة ؛ يعني مجيد ما براهو
اتمنى ان يعود الجميع لصوت العقل .

أحمد أمين
ياشباب هذا امر مؤسف حقيقي يجب ان يعالج بحكمة أكثر من هذه وخارج هذه الاسافيير رجاء خاص لكم كلكم
بقينا ذي الالمان عندما حاصر الروس برلين، و راح الالمان واقعين في بعض ضبح وتصفية تحت مسميات مثل: خائن، عميل، طابور خامس (غواصة......الخ) والروس خارج اسوار برلين يستمتعون بالملهاة الالمانية .
الدرس:
عندما تعجز عن هزيمة عدوك، تتحول فوهات البندقية لمن هم معك في نفس الخط.....علماء النفس لهم اسم لهذه الظاهرة
"انها الكراهية العاجزة"
-------------------
راجعوا كتاب
The Kindly Ones


zoelyed suliman mustafa
zoelyed suliman mustafa
Admin

المساهمات : 108
تاريخ التسجيل : 01/02/2008
العمر : 48
الموقع : https://zoelyed.yoo7.com

https://zoelyed.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى