من مطار الخرطوم صور و نداء عاجل الى مدير المطار لانقاذ المسافرين....(فى نهار رمضان)1

استعرض الموضوع السابق استعرض الموضوع التالي اذهب الى الأسفل

من مطار الخرطوم صور و نداء عاجل الى مدير المطار لانقاذ المسافرين....(فى نهار رمضان)1

مُساهمة  ZOELYED في السبت سبتمبر 19, 2009 8:50 am

اليوم الاربعاء الموافق 19 رمضان 1430هـ
9-9-2009م
ذهبت الى مطار الخرطوم مع احد الاخوان من اجل المرافقة
وعند صالة السفريات الداخلية شاهده ما لم اشاهده من قبل
الركاب المسافرين الى الولايات حالتهم تشفق
الاجواء حارة والشمس فى كبد السماء.
نساء واطفال ورجال ،ونساء ورجال اجانب من الصين
وايضا من اوربا حالتهم الله يستر
من شدة السخانة وقد يكون الافضلية للذين لن يصوموا
اما الصايمين او الغير صايمين كلهم واقفون خارج الصالة فى وسط من الازدحام
بل ازدحام حقائب المسافرين وهم يفكرون عن كيفية الدخول الى الصالة
والموظفون الذين يعملون فى الباب لارحمة لهم لى هولاء الصايمين
وبل اجراءات الفحص الامني مع المدخل الخارجي
والكل ينظر بتعجب وعلامات استفهام ولا حديث لى هؤلاء
سخانة الشمس جعل بعض المسافرين يبحثون عن ظل فى خارج الصالة
والبوابات مغلقة ،فاذا اردت الدخول اما تستعمل قوتك البدنية او تنتظر الدخول
على راحتك مع زحام امتعة المسافرين.
ولكن اخذت بعض الصور بالموبايل من اجل الشهادة

الصور غير واضحة
ولكن هؤلاء سلموا امرهم لله والله فى عون العبد
رمضان شهر كريم وفضيل
فلماذا ؟
امتعة المسافرين خارج الصالة
لان المسافرين كادو ا ان يبحثو عن الظل
وتركوا الامتعة فى الحر

الرحلة المشتركة والمتجهة الى نيالا والفاشر
ورحلة اخري الى بورتسودان
ثم هنالك رحلة قادمة من جوبا
وكيف يستقبل الصالة كل هؤلاء القادمين والمسافرين
فى مساحة ضيقة




Dr.Elsadig Abdalla:-

سلامات يا ذواليد
اتفق معك تماما ..سافرت الأسبوع الفات للخارج ..وكان مدخل صالة المغادره مزدحم بالمودعين أكثر من المسافرين حتي خفت أن الطياره تفوتني ،. والأعجب بعدما دفعت رسوم المغادره لي ولزوجتي اكتشفت أنو لازم ادفع رسوم مغادره للاطفال بما فيهم بنتي العمرها ستة أشهر...وكانو لايكفي مادفعناه في جهاز المغتربين ...

ذواليد سليمان مصطفى:-
بما ان كل المطارات العالمية ليست لديها رسوم مغادرة
ولكن هؤلاء اذا لقو طريقة يدفعوك رسوم ملابسك
نتمني من الباشمهندس بكرى ابوبكر رفع البوست فوق


امام بوابة الصالة
والناس مزدحمة


ود الباوقة:-
بما ان كل المطارات العالمية ليست لديها رسوم مغادرة


اخي ذواليد ..

رسوم المغادرة موجودة ولكن يتم تحصيلها

مع تذكرة السفر عشان كدا الناس ما بتحس بيها

اما نحن كل شيء عندنا مخالف ...

قرارات كثيرة جائرة تحتاج الى متابعة حتى يتم استئصالها
من قاموس المغتربين . اولها رسوم تاشيرة الخروج ..
تصوم وتفطر على خير ..


Dr.Elsadig Abdalla:-
سلامات يا ود الباوقه ...
أشياء كثيره يجب مراجعتها وأولها جهاز المغتربين والذي من وجهة نظري يجب أن يلغي تماما موش أقل من كده ،،،ياخ في أغرب من انو أورنيك تأشيرة الخروج يبيعوه لينا!!!! ناهيك عن رسوم التأشيره نفسها ..وليه يكون في تأشيرة خروج من اصلو ؟


ود الباوقة:-
في أغرب من انو أورنيك تأشيرة الخروج يبيعوه لينا!!!! ناهيك عن رسوم التأشيره نفسها ..وليه يكون في تأشيرة خروج من اصلو ؟
هنا يكمن الظلم ..
تصوم وتفطر على خير يا دكتور ..


وليد شريف:-

بالله عشان تعرفوا قمة الاستهتار بالمواطن السوداني وانه اصبح لايساوي
شئ من إدارة مطار الخرطوم وبرضو في رمضان .
ادخلوا على هذا الرابط من منتديات الباوقة .


Dr.Elsadig Abdalla:-
قصه قريبه من هذه حدثت معي في سفرتي الأخيره ...ركبنا البص ..ثم طال الأنتظار داخل البص .يبدو أنهم كانوا يخططون لجمع كل الركاب في رحله واحده للبص..طبعا داخل البص زي الفرن ..تضايقت بنتي الصغيره جدا من الحر..اقترحت علي زوجتي أن تنزل بالبنت أمام البص حيث توجد نسمة هواء..لكن تسلط عليها احدهم وارجعها لداخل الصاله..بس لحسن الحظ قرروا يحركوا البص في تلك اللحظه ...


ذواليد سليمان مصطفى:-
من منتدي الباوقة هاكم الكارثة
بقلم الكاتب (فتاوري)

Quote: كادت ان تكون كارثة ببص المطار
في يوم 30-8-2009 وصل ابننا قادما من السودان عبر الخطوط السعودية ولله الحمد وصل بالسلامة ولكن للرحلة قصة وهي.
كان من المفترض ان يكون اقلاع الرحلة الساعة 12 ظهرا ولسبب لا نعلمه تاخر وقت الاقلاع الى بعد الساعة التاسعة مساء
حسب الرواية انه تمت اجراءات السفر وشحن العفش والدخول الى صالة المغادرة في الساعة واحدة ظهرا وظل المسافرون في صالة المغادرة الى قبيل المغرب بعدها جاءت البصات الى نقل المسافرين الى الطائرة.
وبعد تحرك البص بدقيقة كان اذان المغرب فاوقف السائق البص واقفل ابواب البص واوقف التكيف ثم غادر البص ليتناول افطارة وترك الركاب داخل البص
لاحظوا لا يوجد اي منفذ للتهوية ولتجديد الهواء فقل الاوكسجين داخل البص وبدا الاختناق داخل البص وبالفعل هنالك سيدة فقدت وعيها واصيبت بغيبوة وكادت ان تكون كارثة بان يحصل اختناق لركاب البص
اخذ الركاب يضربون على زجاج البص بقوة ويصرخون وفي اخر نفس للسيدة المغمى عليها اتى سائق البص بعد ان تناول افطاره وتم اسعاف السيدة بصعوبة وكادت تكون كارثة ويختنق كل الركاب.

زي دا يقولو فيه شنو غايته انا غلبني القول قولو لي انتو




وايضا من منتدي الباوقة
بقلم الكاتب (وليد شريف)

Quote: حمداً لله على سلامة الابن وبركة وصوله بالسلامة وهذا ان دل انما يدل علي ان الانسان السوداني اصبح بدون قيمة عند ولاة الامر حادثة زي دي لو حصلت في اي بلد يحترم الانسان الذي كرمه الله لاستقال فيها مدير الطيران وربما الوزير ولكن في السودان ستجد الذي حصل من هذا السائق فقط مسار حديث وونسة ...
ياخ ماشفت امبارح فلان ما خلا ليك الجماعة في البص ومشى يفطر اهههههههه
وممكن مديرو يقول ليهو والله عفيت منك هم طايرين وين ماشين ...
قمة الاستهتار والسخف بالانسان في السودان .

الاخ وليد شريف نشكرك على الرابط
رمضان كريم وتصوم وتفطر على خير


Dr.Saeed Zakarya Saeed:-
الاخ ذواليد تصوم وتفطر علي خير.....
موقف محزن لكرامة الانسان... قال الله تعالي
في محكم تنزيله ولقد كرمنا بني ادم وحملناهم
في البر والبحر ورزقناهم من الطيبات .....
اين المسؤلين..اين الصحف...اين التلفزيون
......حتي انت يابروتس....والله عيب حرام
...عايز ليمون جاني طمام......
اوع تكون فيها سيطان ذي سينما زمان......

mahmed alhassan:-
حضرت الاسبوع الماضي مــــن الخرطوم
صالة المغادرة التكييف ماشغال
سير البضاعة معطــــل
علمــا بأن رسوم المغادرة 35 الف جنيه بالقديم
لكل تذكرة بما فيهم الطفل الرضيع
حسبنا الله ونعم الوكيل

ذواليد سليمان مصطفى:-
صالة المغادرة التكييف ماشغال
محمد حسن
رمضان كريم
هذا شئ طبيعي
وبدون خجل
Quote: Íسير البضاعة معطــــل
عديمي الاحساس
فاقدين للانسانية

هذه الجريمة النكراء فى حق هذا الخواجة
وهو ضيف البلد
اراد ان يحمل امتعته حتي يبحث عن ظل
بعد عن حرقته حرارة شمس السودان الحارقة
وايضا يبحث عن ممر امن

ود الباوقة:-
حضرت الاسبوع الماضي مــــن الخرطوم
صالة المغادرة التكييف ماشغال
سير البضاعة معطــــل
علمــا بأن رسوم المغادرة 35 الف جنيه بالقديم
لكل تذكرة بما فيهم الطفل الرضيع
حسبنا الله ونعم الوكيل
حمدا لله على السلامة يا محمد الحسن
غاتس وين طيب ...

MOHAMMED ELSHEIKH:-

انا حضرت من الخرطوم يوم 11-8
الساعة 9 ونص بالليل في صالة المغادرة الكهرباء قطعت في الصالة
اظلام عام لمدة نصف ساعة
النقول الجنريتر الأحتياطي ما اشتغل
ما في اضاءة emergency ؟؟؟؟؟
اللمبات موجودة لكن ما شغالة ما عارف عايزين يشغلوها متين؟

ذواليد سليمان مصطفى:-
: اظلام عام لمدة نصف ساعة
وحسي ده ما ظلام
ولا ظلم اسواء من ده في


الصيني الواقف فى وسط الجمهور
يفتش في الطريقة البمرقو من الزحمة والشمس الحار
وبحالو فاطر

Quote: .موقف محزن لكرامة الانسان..
دكتور سعيد زكريا
رمضان كريم
شاهد هذه الصورة
وقيم كرامة الانسان هنا
هل موجود ام لا؟

رسوم المغادرة موجودة ولكن يتم تحصيلهاQUOT


Frankly:-
صور مكررة

ذواليد سليمان مصطفى:-
: ..سافرت الأسبوع الفات للخارج
الاخ دكتور الصادق
رمضان كريم
وحمدلله على السلامة
Quote: .والأعجب بعدما دفعت رسوم المغادره.لي ولزوجتي اكتشفت أنو لازم ادفع رسوم مغادره للاطفال
والله يا دكتور الله يستر
انشاء الله رسوم المطار تمش للصيانةة وخدمات المطار
Quote: ..بما فيهم بنتي العمرها ستة أشهر
هنا اللسان عجز عن التعبير
ولكن العلة فقدو الانسانية وحقوق الطفل
ومن حقك ترفع دعوة قضائية ضدهم من اجل هذه الطفلة
لان الاطفال هم مستقبل هذا السودان

هذا الشاب وقف محتارا فى امره
وماذا يفعل

المرأة ايضا محتارة

محمد عمر جبريل:-
Quote: اخي ذواليد ..
رسوم المغادرة موجودة ولكن يتم تحصيلها
مع تذكرة السفر عشان كدا الناس ما بتحس بيها
really??
والتذكرة دي تبع ياتو خطوط وياتو دولة ؟؟
سين سؤال:
عارف الرسوم حقت المغادرة دي بتتورد في ياتو حساب ؟؟؟؟

ذواليد سليمان مصطفى:-
ote:
Quote: ]
والتذكرة دي تبع ياتو خطوط وياتو دولة ؟؟
الله عالم
ولكن الخطوط السودانية لديها حصيلة ما معروفة ماشة وين
اما رسوم المطار تتورد وين ده ذاتو سؤال كبير
ومحتاجة الى تحليل من المختصين

صرخة مسافر
وهو يتأمل حول مستقبل قريب
وكيفية تعامل الافراد الموجدين فى الابواب


احمد محمد بشير:-
** البلاد أصبحت طارده للبشر... واذا كنت مغادرلبلادك وفي ذاكرتك هذة المأساه فحتما تخطط منذ تلك اللحظه في البحث في كيفية عدم العوده النهائية للبلاد و الاوطان التي يهان فيها السوداني و الاجنبي بهذة الطريقة التي لاتخفي امامكم الان بالصور.
** الكيزان وجماعة المنافقين واللصوص.. قاتلي اطفال دارفور نجحوا في مخططاتهم لازلال المواطنين وجعلهم كالكلاب لتلهس ورائهم ومن ضمن هذة المخططات ** أخلاء البلاد من المواطنين لكي تخلو لهم الساحة لوحدهم وينعموا بخيرات ونفط الوطن... ودافور والقري و الاطفال و المواطنين والاقاليم السودانية و العاصمة التي يسميها البعض الوجه المشرق تحرق و تزول الي الجحيم و في ستين داهية طالما انها تلك المعابرتزل لهم المواطن, الذي يدفع لهم الضرائب ولا ينال شي من خيرات البلاد.
** والغريب في الامر أن لجماعة المنافقين منافذ خاصة و صالات و ممرات مكندشة لكبار الزوار و يستعملونها هم و اسرهم... جماعة المنافقين والكيزان فشلوا في بسط العداله لابناء الوطن و مازالت خيرات البلاد و الوطن تذهب الي بيوتات و أشخاص معينين ومعروفي الملامح بكروووشهم الكبيره و عرباتهم الفاخره... وكأنما البلاد بلادهم وملك حر لهم.
لعنهم الله اينما كانو... وصبرا يا ايها المواطنون فالظلم سيزول كما وعد المولي عز و جل.
ود الباوقة الكوز... اول مره أقراء ليك جمله صالحة... في المقتبس ادناه.
Quote: قرارات كثيرة جائرة تحتاج الى متابعة حتى يتم استئصالها
من قاموس المغتربين . اولها رسوم تاشيرة الخروج ..


خالد العبيد:-
Quote: رسوم المغادرة موجودة ولكن يتم تحصيلها
مع تذكرة السفر عشان كدا الناس ما بتحس بيها
هذا الكلام غير صحيحة على الاطلاق

هويدا شرف الدين:-

السفريات الداخليه دي حكايتا حكايه ، بحكم طبيعة عملي والذي استقلت منه والحمد لله السفر إلي غربنا الحبيب كل مره لكن صالة السفر الداخليه حكايه طويله ، دائما اسافر بي شنطه واحده تقيف في الشمس حتي تطلع روحك بعد داك يبدا الدفر في الباب كل زول عاوز يخش الواقفين في الباب ديل كانهم بعذبوا في المسافرين بي طلاع روح تخش الصاله وتوزن العفش بعد داك تبدا المزاحمه في الصاله في شباك التزاكر الشباك في حته ورسوم المغادره في الحته العمال ممكن يساعدوك بس المهم تعصر ليهم وتديهم حقهم كل مره وانا داخله لي صالة المغادره بكون في مشكله مع مسافر وناس الامن لا يوجد نظام نهائي تخش جوه طبعا مستحيل تكون في سفريه في مواعيده الطلوع للباص مشكله بعد ما توصل الطائره تقول الحمد لله خلاص تلقي دي مرحلة عذاب تاني مره قاعدين في الطائره قريب الساعه عشان في طيارات نازله وطالعه والسخانه بس العرق دا بحر والشفع يبكو بكا مبالغه وغايتو يا حليلك يا بلد اخير القطر

ذواليد سليمان مصطفى:-
Quote: السفريات الداخليه دي حكايتا حكايه
السفريات الداخلية بالامس اسواء يوم
فى حياة المسافرين فى نهار رمضان
وغير دليل الصورة
والصورة اصدق من القلم
عشان ما يقولوا
فبركة
اذا حصل اي لبس
الصور موجود
كمية
وسوف اواصل فى انزال البقية
رمضان كريم وتصومي وتفطري على خير

Frankly:-
e:

Quote: : رسوم المغادرة موجودة ولكن يتم تحصيلها
مع تذكرة السفر عشان كدا الناس ما بتحس بيها
هذا الكلام غير صحيحة على الاطلاق
بل هذا الكلام صحيح 100%
بل وفي بعض الدول تضاف ضريبة تلوّث البيئة
هذه لائحة رسوم وضرائب التذاكر لرحلة من مطار ج إف كيندي لمطار فرانكفورت
لاحظ حتى 11 سبتمبر لم تسلم من الرسوم والجبايات
Taxes and Fees
Please read the following carefully.
Display of fares, taxes and fees in:
Advertising: Fares shown in off-site and on-site advertisements include the service fee described below that may apply and some, but not all, applicable taxes, charges and government-imposed fees.
Flight Cost Summary:
On the Flight Cost Summary page, and all subsequent pages leading to a booking, all taxes, charges (including fuel surcharges), service fees, and government and airport authority fees are either included in the fare or itemized separately to provide a total trip cost.
Government and other authority taxes and fees:
September 11 Security Fee:
A September 11 Security Fee of $2.50 USD applies per flight segment (maximum charge per trip -- $5.00 USD one-way, $10.00 USD round-trip). A flight segment is defined as one takeoff and one landing.
Passenger Facility Charges:
Passenger Facility Charges (PFCs) of up to $18.00 USD may apply, depending upon the itinerary chosen.
Federal Excise Tax: A 7.5% domestic tax applied to the airline base fare. The tax may be pro-rated for flights to/from the 48 contiguous U.S. states and Alaska and Hawaii, and some international destinations. A Travel Facilities Tax of $8.00 USD per direction also applies to flights to/from Alaska and Hawaii and the 48 contiguous U.S. states or between Alaska and Hawaii.
Federal Domestic Flight Segment Fee:
A federal domestic flight segment fee of $3.60 USD applies per flight segment. A flight segment is defined as one takeoff and one landing.
U.S. or International Departure and Arrival Charges: U.S. or international departure and arrival charges of up to $200.00 USD may apply, but may vary depending upon the itinerary chosen.
مثلاً هذه التذكرة ب462 دولار زائد الرسوم والضرائب تصبح ثمنها 619 دولار
$462 + $157 taxes & fees = $619 per person

محمد عمر جبريل:-
e: بل وفي بعض الدول تضاف ضريبة تلوّث البيئة
وفي دولتنا دي .. قروش التذكرة بتمشي pure كده لخطوط الطيران ؟!
ما برضو فيها ضرائب ..
لكن برضو برجع وأسأل تاني .. القروش دي ليه بتنزل في حساب (زول)
حسابه الشخصي !


Frankly:-
te: قروش التذكرة بتمشي pure كده لخطوط الطيران ؟!
ما برضو فيها ضرائب
هناك فرق بين ضريبة القيمة المضافة لأي سلعة وبين ضرائب ورسوم المطارات التي تضاف للتذكرة المضاف إلى قيمتها أصلاً ضريبة القيمة المضافة
شركة الطيران تبيع سلعة وكل سلعة لها ضريبة قيمة مضافة
بخصوص السؤال عن دخول رسوم المغادرة في حساب شخصي (لزول)
فإن كنت تعلم من هو الشخص وتعلم رقم حسابه ومداخل إيداعاته فما عليك إلا بتوجيه السؤل إليه مباشرة لو كنت تملك من الشجاعة والمروءة ما يخوّلك لكتابة هذا السؤال
بل عليك بفتح بلاغ في أقرب محكمة لو كان لديك أي اهتمام بمصداقيتك
أسمع الكلام وافتح بلاغ طوالي
ما تقول لي ما ح يعمل حاجة
ح يعمل ويضّح أنّك جاد في ما تدّعي وإلا فأنت مجرّد دعي
والسلام
كمال


ذواليد سليمان مصطفى:-
هناك فرق بين ضريبة القيمة المضافة لأي سلعة
Quote:
كمال
رمضان كريم
انا بقصد صالة السفريات الداخلية
واظن انت تقصد موسسة الاسواق الحرة الداخل المطار
فإن كنت تعلم من هو الشخص وتعلم رقم حسابه ومداخل إيداعاته
يا ريت يا كمال تعمل لينا دراسة حالة
فى الحرامية القلوبهم قواسي


Quote: وفي دولتنا دي .. قروش التذكرة بتمشي pure كده لخطوط الطيران ؟
Quote:
محمد عمر
رمضان كريم
نقول شنؤ
ما معروفة فى ناس نفوسهم ضعيفة
وعاجزين من التفكير
وهمهم الاول والاخير مصلحة اولادو
وكيف يتحصل على سيارة وعمارة
ولعنةالله الى الذين ياكلون اموال الدولة بالباطل
حسابه الشخصي !
الله اعلم
عشان نثبت الحساب الشخصي ده
الا يكون فى اثبات
والاثبات يكون مصور بالاسكنر
وينزل فى البوست
وبعدين المتخصصين
هم افضل مننا فى رصد الميزانية
الله يهون
ويسهل للمسافرين

نبيل عبد الرحيم:-
والغريب لو حبيت تأخذصورة داخل أو خارج المطار تجد واحد تافه من ناس الأمن يقول لك ممنوع وكأنه مطار حربى!

ذواليد سليمان مصطفى:-
te: البلاد أصبحت طارده للبشر...
Quote:
رمضان كريم
احمد محمد بشير
هذا هو حال البلد
ولكن اذا طلعت من البلد بلا عودة
نخليها لى منو
السودان حقنا كلنا
ما نخليها لزول ابدا
بهذة الطريقة التي لاتخفي امامكم الان بالصور
الصورة اصدق من الكتابة
الصور ماخوذة بالموبايل
احوال المسافرين تعب وعناء
وقهر فى حقوق المواطن

مزمل خيرى:-
ذو اليد
رمضان كريم ،،
انت كاميرتك دى 3310 ..؟

MOHAMMED ELSHEIKH:-
منقول من منتدى الباوقة بواسطة " فتواري"

Quote: في يوم 30-8-2009 وصل ابننا قادما من السودان عبر الخطوط السعودية ولله الحمد وصل بالسلامة ولكن للرحلة قصة وهي.
كان من المفترض ان يكون اقلاع الرحلة الساعة 12 ظهرا ولسبب لا نعلمه تاخر وقت الاقلاع الى بعد الساعة التاسعة مساء
حسب الرواية انه تمت اجراءات السفر وشحن العفش والدخول الى صالة المغادرة في الساعة واحدة ظهرا وظل المسافرون في صالة المغادرة الى قبيل المغرب بعدها جاءت البصات الى نقل المسافرين الى الطائرة.
وبعد تحرك البص بدقيقة كان اذان المغرب فاوقف السائق البص واقفل ابواب البص واوقف التكيف ثم غادر البص ليتناول افطارة وترك الركاب داخل البص
لاحظوا لا يوجد اي منفذ للتهوية ولتجديد الهواء فقل الاوكسجين داخل البص وبدا الاختناق داخل البص وبالفعل هنالك سيدة فقدت وعيها واصيبت بغيبوة وكادت ان تكون كارثة بان يحصل اختناق لركاب البص
اخذ الركاب يضربون على زجاج البص بقوة ويصرخون وفي اخر نفس للسيدة المغمى عليها اتى سائق البص بعد ان تناول افطاره وتم اسعاف السيدة بصعوبة وكادت تكون كارثة ويختنق كل الركاب.
زي دا يقولو فيه شنو غايته انا غلبني القول قولو لي انتو


ذواليد سليمان مصطفى:-

الكل يبحث عن ظل

Frankly:-
: انت كاميرتك دى 3310 ..؟
يا مزمل أنا عندي 3310 وما فيها كاميرا
يكونوا ناس نوكيا غشوني وباعوا لي صيني؟

محمد عمر جبريل:-

Quote: هناك فرق بين ضريبة القيمة المضافة لأي سلعة وبين ضرائب ورسوم المطارات التي تضاف للتذكرة المضاف إلى قيمتها أصلاً ضريبة القيمة المضافة
شركة الطيران تبيع سلعة وكل سلعة لها ضريبة قيمة مضافة


لم يتطرق الحديث عن القيمة المضافة.. ولكن أي تذكرة طيران في العالم تكون مقسمة لعدة أقسام وكل قسم له سعر معين ..
من الخدمات وحتى التأمين على روح المسافر ...!
فما دخل ضريبة القيمة المضافة في عملية فرض رسوم للمغادرة من داخل صالة المطار وسعر التذكرة قد غطى كل التكاليف والنفقات ؟؟!
ثم أهم بند في قانون الضرائب يحتم على هذه الجبايات أن تورد مباشرة لخزينة المالية وبأورنيك معين ..
وما سوى ذلك إلا نهب مقنن ..
وأنا أعترف .. لا أملك الجرأة لافتح بلاغ في قامات عالية جدا مثل هذه القامات
ولكن وعد مني أن أننا سنلتقي في يوم ما .. لأخبرك أين تورد هذه الأموال..
Quote: ح يعمل ويضّح أنّك جاد في ما تدّعي وإلا فأنت مجرّد دعي
أوضح لي منو ؟؟ ليك إنت؟؟

Frankly:-
شوف يا ولدنا
شنو اللم يطرّق الحديث للقيمة المضافة؟
دا ما كلامك أنت؟
Quote: وفي دولتنا دي .. قروش التذكرة بتمشي pure كده لخطوط الطيران ؟!
ما برضو فيها ضرائب ..
ولا نحن بنأذن في مالطا؟
قلنا ليك في العالم كلّه رسوم المغادرة بكافة مكوّناتها تضاف لقيمة التذكرة عند الشراء
إلا في السودان قيمة التذكرة لا تتضمّن هذه القيمة وقد يعود ذلك لقصر القنوات المالية
رسوم المغادرة تفع في المطار عن كل تذكرة صغيرة كانت أم كبيرة ولا تدفع أي رسوم مغادرة عند شرائك التذكرة
أفتكر الكلام دا واضح!
التذكرة عند شرائها تدفع سعرها كسلعة غير مرتبطة بأي رسوم مغادرة. نقطة سطر جديد

te: أوضح لي منو ؟؟ ليك إنت؟؟
خلّي حركات الصبيان دي
كل ما الواحد يفتري ليهو كذبة لما يزرزروا يقوم ينطط زي ياي الاوستن
لو ما قدر الكلام ما تنطم وتسكت

ذواليد سليمان مصطفى:-

فرانكلي
شوف المهزلة
وبعيون التاريخ الناس بتشهد
والصور غير دليل
شكرا للردود والدعم المفيد والمعلومات المفيدة

احمد التجانى احمد:-
اول حاجة بعملها لما اوصل مطار الخرطوم
بدخل الحمامات واشوفها بتدخل ولا لا
والحمد لله عمرها ماخذلتنى
تخيلوا ياجماعة ادارة مطار عريق ووراها
هيئة طيران مدنى ووزارة شئون رئاسة ووزارة
نقل وبرضو يفشلوا فى توفير حمامات محترمة
تترك انطباع جيد عن البلد وعن مدنية وتحضر
مجتمعاتها وهى دى الحضارة الجد وليست مجموعة
حجارة فى المتاحف او البركل والبجراوية
لكن كمان الجماعة معذورين والله مشغولين بصناعة
الطيارات والمفاعل النووى السودانى لذلك فاتت
عليهم حاجات هايفة زى وجود حمامات نظيفة وشغالة
فى واجهة البلد ولا زى فتح المصارف استعدادا لفصل
الخريف
انا متوقع الزيارة الجاية يكون فى اباريق خارج
صالة المغادرة لقطع الجمار فى ال Runway

ذواليد سليمان مصطفى:-
: انا متوقع الزيارة الجاية يكون فى اباريق خارج
صالة المغادرة لقطع الجمار فى ال Runway
وربما يكون الحقيقة !
اذا كان دي طريقة التعامل فى السفريات الداخلية
الفاظ بذئية فى نهار رمضان
اللهم انى صائم
رمضان كريم
الاخ احمد التجاني
Quote: ¿انت كاميرتك دى 3310 ..؟
ابو نجوان رمضان كريم
تقول شنؤ يا ابو نجوان
الحالة اضرارية
ده الحوجة
ونناشد بعودة3310
مع تحياتي

فتحي الصديق:-
: لكن برضو برجع وأسأل تاني .. القروش دي ليه بتنزل في حساب (زول) حسابه الشخصي !
معقول يا محمد؟
دا (القوي الأمين) مش؟؟

ذواليد سليمان مصطفى:-
Quote: !
معقول يا محمد؟
فتحي الصديق
رمضان كريم
مش معقولة
معقولة بس فى ناس كده
لهذه المهزلة والصور البشعة
تصوم وتفطر على خير

الفاتح شلبي:-
Quote: أشياء كثيره يجب مراجعتها وأولها جهاز المغتربين والذي من وجهة نظري يجب أن يلغي تماما موش أقل من كده
أجزم بأن هذا الكلام يعبر عن شريحة ضخمة من المغتربين
مشوار الألف ميل يبدأ بخطوة

ذواليد سليمان مصطفى:-
اما ان تقف في الشمس الحارة
من اجل حراسة الامتعة
اما تبحث عن ظل
ووتترك عفشك للحرامية
نساء ورجال
والكل فى حيرة
صينيون يقفون على حيرة
وينتقدون اخلاق الموظف السوداني
صالة السفريات الداخلية
من داخلها المستعمرين الجدد
فى حق هؤلاء المسافرين
ماذا تقول هذه الامرأة وهي صائمة
وحشود امام بوابة الصالة
يسقطون ويلعنون البواب

نظرة الصيني
ده بقول شنو
الخواجة ..............هيييك
الخواجة عايز مساعدة
ما لاقي ليها عجلة
لو كانو يعرفون اللغة العربية
قد يكونوا اكثر شتيمة
هل من يجيب؟
الصورة ابلغ من الحديث

محمد عمر جبريل:-
أسمع يا كمال وللا بتاع إنت ..
أحترم نفسك وخلي عندك إسلوب .. ولو ما عارف حاجة ما تقعد تجدع في الكلام وتعمل فيها البارم ديلو ..
أنا ما قاعد إتكلم عن كلام ناقلو لي زول .. أنا اشتغلت في المطار اكتر من سنة والحاجة الإنت بتتكلم عنها دي قاعدة في راسك بس ..
بلا قروش التذكرة بتكون متضمنة لكل الرسوم بلا كلام فارغ ..
ياخي عيب عليك والله إنت زول عندك مكانتك في المنبر ده ويشهد الله لمن كنت بتاوق من بره كنت بقرا ليك ومع كل قراية إحترامي ليك بزيد ..
وعشان أثبت ليك كلامك الكاتبو فوق ده كلو كلام من راسك بس .. ما مسنود بأي منطق ولا واقع ..
هسي أنا من السودان لو داير أقطع تذكرة لدبي مثلا .. سعر التذكرة بكون 500 دولار (مثلا)
ولو كلمت واحد من الشباب في الإمارات يشتريها لي من هناك ويدفع القروش هناك برضو ها يدفع لي 500 دولار ..
يالله يا فتك إنت ورينا رسوم المغادرة دي وييييييييين ؟؟؟؟؟؟
مش قلت التذكرة شاملة أي حاجة برة السودان !!!!
طيب صاحبي الفي دبي إشترا التذكرة وأنا مشيت مكتب الخطوط عشان أستلمها هنا .. برضو لمن أمشي المطار بدفع رسوم المغادرة دي ..
فهمت ...
رجاءا بس ما تخليني أفقد إحترامي ليك
والنبذ والكلام الفارغ أسهل ما يكون إسفيريا ..
قال شاملة لأي حاجة قال ..
ياخ الواحد لمن يكون ما عارف حاجة ما يقعد يتشوبر ساي
خاصة لمن يكون (الواحد) ده زول في مكانتك ؟
: كل ما الواحد يفتري ليهو كذبة
بالله ..!
طيب ياخ فوق ما قلنا ليك أي رسوم أو ضرائب داخلة خزينة الدولة بكون عندها أورنيك معين
هل رسوم المغادرة دي تدخل تحت بند الضرائب المجاز من وزارة المالية ؟؟
Quote: وقد يعود ذلك لقصر القنوات المالية
ياخ نحن في السودان عندنا شنو غير القنوات المالية دي ؟؟!
أي حاجة بتقصر إلا القنوات المالية دي .. يعني الزول الإكتشف إنو التذاكر هنا في السودان (بس)!
ما شاملة رسوم المغادرة كان غالبو (يولف) ليهو قناة مالية !!
منتهي الإستخفاف ..

ذواليد سليمان مصطفى:-
هنالك فوارق فى السلطة
وبل هنالك مهندسين متخصصين فى جلب الاموال
وكيفية بنود التعامل

محمد عمر جبريل:-

Quote: هنالك فوارق فى السلطة
وبل هنالك مهندسين متخصصين فى جلب الاموال

وكيفية بنود التعامل


سلام أخونا ذو اليد
مطار الخرطوم ده إفتتحو سنة كم وتسعين وللا شنو ؟؟
وللا الناس دي زمان ما كانت بتسافر ؟؟
من ما قمنا في الدنيا دي الناس بتسافر من المطار ده لا حصل سمعنا برسوم مغادرة لا يحزنون ..
مش كان من باب أولى زولك الفوق ده يقول لينا دي جباية جديدة فرضها الحاكم المسلم وما علينا إلا الدفع ونحن صاغرين؟؟
بدل ما يقول لينا قصر في القنوات المالية !!

الغالى شقيفات:-
الاخ ذو اليد رمضان كريم
حقيقة عمل مؤسف جدا ان يهان المسافريين بهذه الطريقة ومعروف عن الطيران السودانى غير دقيق فى مواعيده والسفريات الداخلية اغلى من العالمية تذكرة الجنينة اغلى من القاهرة والرياض

ذواليد سليمان مصطفى:-
الصحفى المخضرم
الغالي شقيفات
شكرا للمداخلة
وهذه حقيقة
بدل ما اذهب الجنينة او نيالا
من الافضل اسافر القاهرة
او الرياض
والحكاية فعلا مقصودة

Dr.Elsadig Abdalla:-

طيب يا اخوانا براحه كده ،اذا كان رسوم المغادره مضمنه دخل سعر التذكره خارج السودان..؟طيب ليه بدفعونا رسوم مغادره في مطار الخرطوم ؟مع العلم باننا قاطعين التذاكر من الخارج ؟هل يعني ذلك اننا بندفع رسوم المغادره مرتين ؟؟مره دخل التذكره ومره داخل صالة المغادره؟؟؟

ZOELYED
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى